عدد الضغطات : 756

 
العودة   منتديات منطقة قري > الاقسام الادبية و الفنية > منتدي الشعر والخواطر والقصص والروايات
 

الإهداءات

إضافة رد
 
أدوات الموضوع انواع عرض الموضوع
قديم 02-02-2012   #1


الصورة الرمزية نادر وهب الله ابراهيم
نادر وهب الله ابراهيم غير متواجد حالياً

بيانات اضافيه [ + ]
 رقم العضوية : 2
 تاريخ التسجيل :  Dec 2010
 أخر زيارة : 10-08-2014 (02:47 PM)
 المشاركات : 1,341 [ + ]
 التقييم :  10
 اوسمتي
الادارة النوايا الحسنة 
لوني المفضل : Cadetblue

اوسمتي

Osscar26 حكاية ( أحلام زلوط ) ..!!



اليوم سنتعرف على (زلوط)..!! نعم (زلوط) شخصياً، الكل يعرفه ويضرب به الأمثال في كل ما يتعلق بـ المستحيل، أنا وأنت والجميع سمع بـ (أحلام زلوط)، ولا أحد يعرفه ولا يعرف بـ ماذا حلم بـ الضبط، ولكن .. اليوم أعتبر نفسك قد تعرفت على المدعو (زلوط)، اسمه الحقيقي (هشام)، فـ هو شاب تخرج منذ خمس سنوات قضاها في رحلة البحث عن العمل ولُقّبَ بـ (زلوط) إثر (زلطة) على جبهته، وهي جُرح أصيب به عندما كان صغيراً. المهم أن (زلوط) كان يقضي النهار في البحث عن وظيفة، ويعود عصراً ليجلس تحت ظل شجرة أمام منزلهم مع أصحابه، وهم في جلساتهم يتحاورون حول الحائل المائل وانتشار العطالة والبطالة بينهم.!

(2)

ذلك اليوم .. كان هو اليوم الذي سار به المثل المشهور (أحلام زلوط)، عندما عاد (زلوط) من رحلة طويلة قضاها في البحث عن عمل، لم يترك باب شركة إلا وطرقه، رمى أوراقه بـ المنزل وخرج لـ الشجرة لينفث عن زهجه بـ الدردشة مع أصحابه، حياهم وجلس بينهم وقال:

- يعنى هسع العلماء ديل .. اخترعوا الطيارة .. والغواصة .. والأقمار الصناعية .. وما قادرين يخترعوا حاجة تنهي العطالة دي؟!!

ضحك صاحبه (محمد) وقال:

- الظاهر دي الحاجة الوحيدة الغلبتم .. لكن رايكم شنو .. تعالوا نفكر لينا في اختراع يقضي على العطالة نهائياً؟!

أجابه (عمر) بـ إحباط:

- مافي .. العطالة دي المشكلة الوحيدة الما عندها حل جذري!!

تدخل (زلوط):

- أنا عندي فكرة اختراع ممكن يقضي على العطالة نهائياً.!!

التفت إليه الجميع، ثم هتف به (محمد):

- شنو؟ .. كدي ورينا اختراعك ده .. يمكن .. يعني والله اعلم .. تحل لينا مشكلة العطالة دي؟!

حمحم (زلوط) ثم قال:

- طبعاً إنتو عارفين إنو نحنا كـ مواطنين مشهورين بالنقة الكتيرة ؟!!

قاطعه (عمر):

- وده علاقتو شنو بالعطالة؟

زلوط: ياخي أصبر نتم ليك ..

ثم أضاف:

- يعني يا جماعة النقة دي ممكن نستفيد منها في حل مشكلة العطالة..!

قاطعه (عمر) مرة أخرى:

- لا .. لا إنتا الظاهر الليلة شارب ليك حاجة!؟

صرخ فيه (زلوط) بـ غضب:

- ما تقاطعني … أصبر أكمل كلامي!!

- خلاص واصل .. نشوف النقة دي حـ تحل مشكلة العطالة كيف؟!

جر (زلوط) نفسه بعمق ثم واصل:

- يا جماعة افترضو مثلاً إنو في شركة اخترعت جهاز يحول (النقة) إلى (كهرباء) .. يعني واحد نقناق زي عمر ده ممكن يولد زي عشرة كيلو واط في دقيقتين .. وفي خمسة ساعات ممكن يولد كهرباء تشغل مصنع نسيج ليوم كامل .. ويطلع مصاريفو بي ارتياح .. أها رايكم شنو في الاختراع ده؟!!

صمت الجميع برهة وهم ينظرون إلى (زلوط) في دهشة وارتياب، وكسر (عمر) حاجز الصمت:

- والله إنتا الليلة ما براك؟!!

قاطعه (زلوط):

- والشركة دي ممكن تعين ملايين الخريجين .. وتخت قدام أي واحد مكرفون بس .. وتخليهم ينقنقوا ويولدوا كهرباء ..وكمان دي مهنة ما دايرة أي مؤهلات .. وكل ما الواحد كان صوتو غليد .. وحلقو مانع .. حـ يكسب أكتر..!!

ضحك (خالد) وقد استهوته الفكرة:

- زاتو نرتاح من الجمرة الخبيثة دي .. يعني لو في الأسرة واحد نقناق ممكن يشغل التلفزيون والثلاجة.. وممكن يكوي بي مكوة الكهرباء .. وزول يسألو مافي .. دي كهرباء جابها بي نقتو.. والله فكرتك سمحة..!!

ثم نحو (زلوط) وقال له:

- لكن يا زلوط .. جهازك ده لازم يكون عندو اسم ؟!

أجابه:

- ممكن نسميهو (جهاز النقناقونيتر)!!!

ثم تكلم (زلوط) بـ رصانة:

- وبعدين ممكن الشغلانة تتطور .. يعني ندمج النقناقونيتر مع التلفزيون مثلاً .. ويجي واحد صوتو غليد زيك كده يا عمر .. وينهر التلفزيون نهرة واحدة .. ويحضر السهرة بي مزاج!!

عمر: هوي .. يا ناس .. هووي .. والله بتبالغو عديل؟!!

خالد: وجهاز النقناقونيتر ده طبعاً ممكن الواحد يشيلو معاهو زي الموبايل .. وفي أوقات فراغك ممكن تنقنق فيهو تولد ليك كم كيلو واط كده بدل تكون قاعد ساي!!

ارتفع صوت (عمر) قائلاً:

- أها يا (زلوط) .. أعمدة الكهرباء دي يودوها وين بعد داك؟!

خلف (زلوط) رجله وقال بـ لامبالاة:

- والله ياخي .. ممكن يقلعوها كلها كده .. ويبطحوها في الواطة دي .. يعملوها شوارع زلط!

صاح فيه (عمر) بـ غيظ:

- طيب والسلوك؟!

- السلوك دي .. يعني .. ممكن يوزعوها على المواطنين .. يعملوها حبال غسيل وللا أي حاجة!

صفق (عمر) بيديه في تعجب وحيرة وقال:

- غايتو جنس أحلام وأوهام .. جهاز النقناقونيتر بتاعك ده حقو تسميهو (أحلام زلوط)!

صرخ فيه (زلوط):

- أها ممكن الجهاز يطور أكتر .. بدل ما يحول (الطاقة النِقيّة) يعني طاقة النقة يحولها إلى (طاقة حركية)!!

- ودي بعملوها كيف؟

- الواحد ممكن يفتح تنك العربة وينقنق فيهو ربع ساعة .. والنقة دي توصلو من العربي لـحدّي الحاج يوسف..!!

ثم أضاف (زلوط):

- يعني النقة بدل الجاز والبنزين ؟!

خالد: بعدين ممكن جهاز النقناقونيتر ده يساهم في انتشار الثقافة وزيادة الوعي العام في المجتمع!!

عمر: كيف؟

خالد: يعني الناس الـ بـ تشحن الجهاز بـ النقة .. ينقنقوا يقولوا شنو .. دقيقتين والواحد راسو بفضى .. لازم يقروا من كتاب .. وبي كده يثقف نفسو على الأقل.. وللا ما كدي؟!

نهض عمر قائلاً:

- أنا ماشي .. إنتو ناس خياليين ساي .. وبعدين جهازكم ده .. الشركة الصنعتو ممكن تشغل ليهو شريط أي فنان وتقلبو بـ الجنبتين .. وتولد الكهرباء .. لا خريجين نقناقين .. ولا يحزنون!!!.


كلمات البحث

العاب ، برامج ، سيارات ، هاكات ، استايلات




 
 توقيع : نادر وهب الله ابراهيم



رد مع اقتباس
قديم 03-02-2012   #2


الصورة الرمزية أبو طالب
أبو طالب غير متواجد حالياً

بيانات اضافيه [ + ]
 رقم العضوية : 22
 تاريخ التسجيل :  Jan 2011
 أخر زيارة : منذ 4 يوم (03:11 PM)
 المشاركات : 890 [ + ]
 التقييم :  10
لوني المفضل : Cadetblue

اوسمتي

افتراضي



أخي نادر ..خيال رائع بدّل النقة التي "تقصر العمر" إلى مولد لـ " الضغط" العالي بمعناه الحرفي..لكن وين تمامة قصة البنية السودانية؟...لك التحية.


 
 توقيع : أبو طالب



رد مع اقتباس
قديم 04-02-2012   #3


الصورة الرمزية عبد الغفار مساعد السيد
عبد الغفار مساعد السيد غير متواجد حالياً

بيانات اضافيه [ + ]
 رقم العضوية : 229
 تاريخ التسجيل :  Jul 2011
 أخر زيارة : منذ 4 أسابيع (08:27 PM)
 المشاركات : 364 [ + ]
 التقييم :  10
لوني المفضل : Cadetblue
افتراضي



لك التحية اخي نادر...لكن اخشي الشركات الوطنية تجيب خشمنجية من دول الجوار... وناس قريعتي راحت ... مايلقوا معاهم حنك واحد ونرجع تاني للمربع صفر ونبحث عن اختراع جديد لتسريع حنك الخريج السوداني والناس كلها تلتحق بكلية المنضمة والخريجين القدامي يأخدوا دورات تأهيلية لرفع مستوي حلاقمهم... لكن العرسان حيكسبوا أكتر...ماحيكون في فتح خشم لأن أم العروس حيكون خشمها مفتوح لتوليد الكهرباء ...


 

رد مع اقتباس
قديم 06-02-2012   #4


الصورة الرمزية نادر وهب الله ابراهيم
نادر وهب الله ابراهيم غير متواجد حالياً

بيانات اضافيه [ + ]
 رقم العضوية : 2
 تاريخ التسجيل :  Dec 2010
 أخر زيارة : 10-08-2014 (02:47 PM)
 المشاركات : 1,341 [ + ]
 التقييم :  10
لوني المفضل : Cadetblue

اوسمتي

افتراضي



التحية للاخوة ابوطالب وعبدالغفار على الرغم من نتائج الابحاث والتجارب الحديثة التي اثبتت ان الجانب التنظيري والقولي اكبر من الجانب العملي والفعلي لدى دماغ السودانيين مقارنة باليابانيين وتم اجراء التجربة على مجموعة كبيرة من الاطفال اخشى ان يكون الامر متعلق بالجينات الوراثية يعني مليون سنة لن نخطو للامام مافي حل غير تحسين النسل بخلطات آسيوية مع اوربية مع امريكية علنا نلحق بالركب العالمي وخايف القطار يكون عدا ذي ما قال دقريا ومافي خيار غير العربات الخلفية , بس الذي يملأ الراس جيرانا متفوقين في الجانب التنظيري والعملي شوفوا الخلطة السحرية بتعمل كيف ولكم في فرنسا وامريكا وكثير من النماذج عبرة


 
 توقيع : نادر وهب الله ابراهيم



رد مع اقتباس
قديم 06-02-2012   #5


الصورة الرمزية يوسف الحاج الخليفة
يوسف الحاج الخليفة غير متواجد حالياً

بيانات اضافيه [ + ]
 رقم العضوية : 50
 تاريخ التسجيل :  Jan 2011
 أخر زيارة : منذ 2 أسابيع (12:45 PM)
 المشاركات : 410 [ + ]
 التقييم :  10
لوني المفضل : Cadetblue

اوسمتي

افتراضي



هاهاهاااا.. تمريرة حلوة من نادر وهدف أحلى من ود السيد


 
 توقيع : يوسف الحاج الخليفة



رد مع اقتباس
قديم 07-02-2012   #6


الصورة الرمزية عبد الغفار مساعد السيد
عبد الغفار مساعد السيد غير متواجد حالياً

بيانات اضافيه [ + ]
 رقم العضوية : 229
 تاريخ التسجيل :  Jul 2011
 أخر زيارة : منذ 4 أسابيع (08:27 PM)
 المشاركات : 364 [ + ]
 التقييم :  10
لوني المفضل : Cadetblue
افتراضي



شكرا ودالخليفة علي الاطراء الجميل .... لكن عاوز اخرج من النص والله ياأخي من كم يوم حلمت وانا ماشي مع حميد والحاج في جو كل سعادة وألفة شديدة يا اخوي الراجل دا وين ......الظاهر دي محنة الوالدة مع ابواتكم كان شيخنا المبارك( رحمة الله عليه) كل جاء البلد لازم يمر يسلم رحمة الله عليهم جميعا


 

رد مع اقتباس
إضافة رد

الكلمات الدليلية (Tags)
..!!, أحلام, حكاية, زلوط


 
أدوات الموضوع
انواع عرض الموضوع

ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

كود [IMG]متاحة
كود HTML معطلة



Bookmark and Share

RSS RSS 2.0 XML MAP HTML

الساعة الآن 03:44 AM


Powered by vBulletin™ Version 3.8.7
Copyright © 2014 vBulletin Solutions, Inc. All rights reserved. منتديات
Ads Management Version 3.0.1 by Saeed Al-Atwi

HêĽм √ 3.0 BY: ! ωαнαм ! © 2010
حقوق النشر محفوظة لـ منتديات منطقة قري
This Forum used Arshfny Mod by Egyview